KAIXO, LAGUNAK!
FLEMINTXO NAIZ,
ETA EZ FERMINTXO!
KUKUBILTXO, BIRIBILTXO.
SAGUTXO BIHURRITXO!
FLEMINTXO NAUZUE, FLEMING HERRI ESKOLAN BIZI DEN
SAGUTXO TTIPI JOSTARIA. DIOTENEZ, EZ NAIZ “ARRUNTA” NONBAIT, ESKOLA BERA
BEZALA; BEREXIA, ALEGIA!
EDERRA DA BENETAN GURE ESKOLA! BERTAKO IZKIN
GUZTIETATIK IBILTZEA MAITE DUT ETA KONTAKIZUN MORDOA GORDE DUT DAGOENEKO! IZAN
ERE, SUMATZEN EZ NAUZUEN ARREN, BETI EGOTEN NAIZ ZIRRIKITUREN BATETIK BEGIRA,
ADI-ADI, ISTORIOAK JASOZ ETA IDATZIZ.
HORIETAKO BATZUK ZUEKIN PARTEKATU NAHI IZAN DITUT ETA GUTXIEN
ESPERO ZENUTEN LEKUAN ETA MOMENTUAN OPARITXO BAT UTZI DIZUET NIRE MOTXILAREKIN
BATERA.
EMATEN DUENAK JASOTZEN OMEN DU. HORIXE BAI EGIA! A ZE
MOMENTU EDERRAK OPARITU DIZKIDAZUEN BUELTAN, LAGUNAK! ZULOTXOTIK IKUSI
ZAITUZTET ISTORIOAK ENTZUTEN, ASMATZEN, ELKARREN ARTEAN JOSTEN, HAIEKIN BARRE
EGITEN ETA HARRIDURARI LEKUTXO BAT UZTEN. IKUSI ZAITUZTET ISTORIOAK BELARRIRA
XUXURLATZEN, ESKOLA GUZTIARENTZAT IPUIN KONTALARIAK ANTOLATZEN, KONTAKIZUNAK
PARTEKATZEN ETA ENTZUNDAKOAREKIN AMETS EGITEN, LASAITASUNEAN.
JARRAITU ISTORIOEKIN GOZATZEN, BELDURTZEN, HARRITZEN, IRUDIKATZEN, SORTZEN,
ELKARBANATZEN ETA NORBERARENTZAT GORDETZEN. JARRAITU LEIHOAK MARGOTZEN ETA
IREKITZEN. DESKUBRITU KANPOKOA. DESKUBRITU BARNEKOA.
SUMATUKO EZ NAUZUEN ARREN, BETI JARRAITUKO DUT IZKINEN BATEAN, ZIRRIKITUTIK
BEGIRA.
POZTEN NAIZ ZUEK EZAGUTU IZANAZ,
ESKERRIK ASKO ETA HURRENGO BAT ARTE, LAGUNAK!
Iruzkinak
Argitaratu iruzkina