MASAJEA ETA MINDFULNESS 3 URTEKO GELAN

ZEIN GARRANTZITSUA DEN GURE BURUA ZAINTZEA! TXIKI-TXIKITATIK LANTZEN BADITUGU ARRETA ETA KONTZENTRAZIO TEKNIKAK ONURAK NABARITUKO DITUGU KOXKORTZEN GARENEAN. ORAIN ETA HEMEN EGOTEN IKASTEAN ETA GURE BURUAREKIN ONDO SENTITZEAN, BIZITZAN SUERTATZEN ZAIZKIGUN HAINBAT GATAZKA ERRAZAGO KUDEATZEN JAKINGO DUGU.

GURETZAT OSO GARRANTZITSUA DA TXIKITATIK ARRETA LANTZEA, ENTZUMEN AKTIBOA, ERLAJAZIOA, ETA NORBERAREN ETA INGURUKOEN ZAINKETA.

BADAKIZUE NOLA EGITEN DUGUN GUK? GURE GORPUTZA ESNATZEKO ARIKETEKIN HASTEN GARA GOIZETAN. MUSIKA LASAIA JARRI ETA BURUTIK HASITA, GURE GORPUTZEKO ATAL DESBERDINAK ESNATZEN JOATEN GARA ARRETA BEREZIA JARRIAZ BATEAN ZEIN BESTEAN: KILIMAK EGITEN DIZKIOGU GURE BURUARI. POSTURA EGOKIA LANDU ETA ARNASKETA BATZUK EGINEZ BUKATZEN DUGU. DAGOENEKO PREST GAUDE EGUNA HASTEKO ETA JOLASTEN HASTEKO!

HONEZ GAIN, KANDELATXOA PIZTEN DUGU ETA JOLASEAN GAUDENEAN MUSIKA LASAIA ENTZUTEN DUGU GIROA BARETU ETA KONTZENTRAZIOA BULTZATZEKO.

MASAJEAK EGITEN ERE IKASI DUGU! BIKOTEKA JARTZEN GARA ETA PIRRITX ETA PORROTXEN "KAS-KAS OSKOLA" ABESTIAZ LAGUNDUTA, ELKARRI MASAJE POLITAK EGITEN DIZKIOGU.